Санкциите удрија во срцето на системот на Путин, тој нема долго да опстане, вели поранешен бугарски заменик министер

Енергетската карта засекогаш ќе биде прецртана бидејќи со децении нема да има враќање на рускиот гас и нафта во Европа. Ова во интервју за БГНЕС го изјави Владимир Милов, поранешен заменик министер за енергетика на Русија, критичар на претседателот Владимир Путин и близок до лидерот на опозицијата Алексеј Навални.

Милов истакна дека пред неколку години во Русија разговарале за ризикот од зелената транзиција и како тоа ќе влијае на нашиот извоз на гас и нафта. „Мислевме дека тоа ќе се случи во годините по 2030 година, но сега тоа се случува многу побрзо. Сега Русија ќе мора да создаде сосема нова економија која нема да се заснова на извоз на гас и нафта во Европа“, истакна тој.

„Системот на Путин претрпе сериозен структурен удар по санкциите, она што се случува со армијата на бојното поле и други. Путин презеде преголем товар на своите раменици и не може да се справи со тоа. Мислам дека на долг рок системот на Путин нема да може да опстане“, додаде Милов.

Тој ги коментираше и последиците и ефектите од воведените санкции, велејќи дека, според него, веќе се чувствуваат ефектите од дел од санкциите. „Има недостиг од резервни делови и серверска опрема. Во наредните месеци ќе се забележи и ефектот од преостанатите санкции. Очекувам и стандардот на живеење да падне. Има две главни точки, прво санкциите што европските земји ги воведоа кон Русија и второ повлекување на меѓународните компании кои увезуваат технологии и производи“, рече Милов.

Тој очекува пад на стандардот на потрошувачите и високо ниво на невработеност во преработувачкиот сектор.

Share on Facebook

Tweet

Follow us

Save