СДСМ ги избра кандидатите за министри и заменици министри во техничката влада – ова се имињата

СДСМ на денешната седница на Централниот одбор донесе повеќе одлуки, а партијата ги утврди кандидатите за министри, заменици министри и дополнителни заменици министри во техничката влада.

Централниот одбор го утврди Јован Митрески за кандидат на СДСМ за Претседател на Собранието до завршување на мандатот на парламентарниот состав 2020-2024 година.

Кандидат за Заменик на Претседателот на Владата задолжен за политики за добро владеење Централниот одбор на партијата ја утврди Славица Грковска. Фатмир Битиќи е избран на кандидат за Заменик на претседателот на Владата, задолжен за економски прашања, координација на економските ресори и инвестиции, а Бојан Маричиќ за Заменик на Претседателот на Владата за европски прашања.

За функциите технички министри СДСМ ги избра:

–Бисера Костадиновска Стојчевска, министерка за култура
–Каја Шукова, министерка за животна средна и просторно планирање
–Љупчо Николовски, министер за земјоделство, шумарство и водостопанство
–Благој Бочварски, министер за транспорт и врски
–Славјанка Петровска, министерка за одбрана.

Централниот одбор утврди и кандидати од СДСМ за заменик министри:

–Викторија Аврамовска Мадиќ, заменик министерка за правда.
–Маја Манолева, заменик министерка за здравство,
–Александар Бајдески, заменик министер за информатичко општество и администрација.
–Филип Николовски, заменик министер за финансии.
–Мики Крстев, заменик министер за локална самоуправа.

Актуелниот шеф на кабинетот на министерот за внатрешни работи Оливер Спасовски, Митко Бојмацалиев е кандидат за дополнителен заменик министер за внатрешни работи.

За дополнителен заменик министер за труд и социјална политика партијата ја утврди Јована Тренчевска, претседателка на Форум на жени и актуелна министерка.

-Техничката Влада е законска обврска и сите партии треба да ја испочитуваат оваа законска обврска, да учествуваат во изборниот процес, без калкулации, соопштија од СДСМ.

Share on Facebook

Tweet

Follow us

Save