СДСМ го охрабрува Мицкоски да остане на ставот за прифаќање на уставните измени

СДСМ преку соопштение го охрабрува лидерот на ВМРО-ДПМНЕ, Христијан Мицкоски да остане на ставот за прифаќање уставни измени за, како што велат, доброто на земјата.

-Минатата среда целата македонска јавност го слушна Мицкоски како вели дека се согласува со предлогот на претседателот Ковачевски за уставни измени и учество во заедничка Влада, под одредени услови. Сега не е време за политички калкулации и мерење на партиските и личните рејтинзи, сега е време на одговорност, пред сопствените граѓани, пред иднината на државата, истакнуваат од владеачката партија.

Од „Бихаќка“ нагласуваат дека не треба да се пропушти оваа шанса.

-Сега треба дијалогот да продолжи се до заокружување на процесот и обезбедување на европската иднина на државата, стои во партиското соопштение.

Вчера од делегацијата на ЕУ во Скопје потсетија дека се јасни заклучоците на Советот на ЕУ од јули 2022 година во однос на уставните измени и свикувањето на Втората меѓувладина конференција.

Share on Facebook

Tweet

Follow us

Save