СДСМ: Додека земјите што напредуваат кон ЕУ добиваат неповратни милијарди евра за развој, Македонија се задолжува со нови милијарди евра кредити

„Последните пораки од Европската Унија се најсилниот доказ дека Македонија повеќе не е на европската агенда. Додека Европската Унија на таканаречениот „супер вторник“ отвора нови кластери и поглавја со земјите кандидати, Македонија повторно останува надвор од европскиот пат. Украина и Молдавија ги отвораат преговорите, Црна Гора и Албанија напредуваат, а нашата држава не е дел од европската динамика“, велат од СДСМ преку соопштение.

Според партијата, ова е директна последица на однапред смислените политики на премиерот Христијан Мицкоски и ВМРО-ДПМНЕ.

-Наместо напредок, Македонија денес е заглавена, заложник на лажните ветувања на Мицкоски, неспособноста за државна политика и криминал. Оваа политичка изолација што ја направи Мицкоски има и сериозни економски последици.

Додека земјите што напредуваат кон Европската Унија добиваат милијарди евра неповратна европска поддршка за развој, Македонија се задолжува со нови милијарди евра кредити, а граѓаните живеат со сè пониски плати, пад на инвестициите и сè послаба економија, истакнуваат од СДСМ.

СДСМ потсетува дека Црна Гора добива 3,2 милијарди евра, а Хрвтска досега има добиено 30 милијарди евра.

-Toa се пари за подобро образование, здравство, поддршка за земјоделците, силна економија и подобар животен стандард. Со блокада на европската иднина, Македонија ризикува да остане последна во регионот поради интересите на една криминална група која се плаши од правда и од Европа, стои во партискиот став.

Share on Facebook

Tweet

Follow us

Save