СДСМ: Тошковски нема капацитет да го расчисти вчерашното убиство кај Блаце и запаленото кафуле во Чаир

Министерот и началникот на СВР Скопје, кадри на Мицкоски и ДПМНЕ покажуваат голема некадарност во водењето на МВР. Најважното, безбедносна на граѓаните се загрозува со тоа, велат од СДСМ откако во текот на вчерашниот ден се случија убиство кај Блаце и беше запалено кафуле во скопски Чаир.

Од владејачката партија обвинуваат дека ВМРО-ДПМНЕ и министерот Панче Тошковски немаат капацитет да го расчистат случајот.

-Го очекуваме денеска Ковачки да излезе пред МВР и да побара одговорност од Тошковски, а од ДПМНЕ да излезе во јавноста со обвинување за него дека ја направил Македонија како Колумбија во 90-тите, стои во соопштението на СДСМ.

Како што беше вчера објавено, лицето З.Т. било пронајдено мртво во скопското село Блаце. Според информациите, ликвидиран е таткото на Гани Туша, осомничен за убиството на Орхан Бајрами – Оки, лани летото на Халкидики, а се тврди дека е поврзан и со убиствата на Јетон Кривањева – Жила и Енис Исеини во „Шиша бар“ во Скопје, кои се случија на 6-ти март 2023 година.

Неговиот татко бил убиен додека работел на нива, а бил пронајден со прострелни рани.

По убиствата, кои се дел од разбивањето на скопските нарко банди, Туша е во притвор во Скопје. Туша е член на група која се бори за превласт на скопскиот нарко пазар.

Share on Facebook

Tweet

Follow us

Save