СДСМ ја претстави новата дигитална платформа за борба против корупцијата и криминалот „М.И.Ц.К.О“

Антикорупцискиот тим на СДСМ денеска ја претстави новата дигитална платформа за борба против корупцијата и криминалот, М.И.Ц.К.О.

„Антикорупцискиот тим на СДСМ ја претставува новата дигитална платформа за борба против корупцијата и криминалот.

Македонски Истражувачки Центар за Корупција и Организиран Криминал или скратено М.И.Ц.К.О

https://micko.mk

Пријавете! Сите ќе одговараат!“ – велат од опозициската партија.

„Истражуваме случаи. Длабински прегледуваме тендери, медиумски објави или случаи на корупција, вклучително и проверени судири на интерес и останати сомнителни операции во политиката, јавниот сектор, локалните и државните институции.

Ги архивираме податоците, креираме регистар на наводни случаи со наведени извори, датуми и релевантни детали, овозможувајќи лесен пристап и пребарување.

Промовираме транспарентност: Делиме анализи и известувања како граѓаните но и новинарите, експертите, невладините организации можат да дадат придонес.

На платформата против корупцијата веќе се објавени досегашните бомби на АКТ.

Случајот со една фирма со двајца вработени основана лани која добила тендери од 9 милиони евра.

Случајот со фирма која добила 161 тендер вредни 5,3 милиони евра.

И секако скандалот за преземањето на Алта Банка, со сомнителен капитал, кој НБРМ го дозволила под сомнителни околности.

Од денеска платофрмата е активна и целосно оперативна, на ваше располагање.

Ги повикуваме сите граѓани, невладини организации, истражувачи, новинари, медиуми, да ни се приклучат.

На платформата има можноста граѓаните да пријават корупција и криминал – директно.

Има посебен дел, простор за да се внесат информации и директно да се прикачат документи. Секој граѓанин може да пријави, дури и анонимно.

Почитувани граѓани, пријавувајте! Ние сме вашиот глас. Заедно се бориме против корупцијата и криминалот.“ – објаснуваат од СДСМ.

Share on Facebook

Tweet

Follow us

Save