СДСМ: Ќе се избориме против блокадите нарачани од Груевски

СДСМ денеска преку соопштение порача дека „не прифаќа уцени“. Од владејачката партија додаваат и дека ќе се спротистават на блокадите на опозицијата за кои велат дека се нарачани од поранешниот премиер Никола Груевски.

„Граѓаните се разочарани од градоначалниците на ВМРО-ДПМНЕ, тоа е една од причините зошто Христијан Мицкоски се плаши од редовни избори во 2024 година. СДСМ не прифаќа уцени, туку ќе се спротивстави на блокадите на Мицкоски нарачани од Груевски. Институциите, граѓаните, нема да дозволат, ВМРО-ДПМНЕ и Мицкоски повторно да ја загрозат иднината на државата само за да му удоволат на Груевски“, велат од СДСМ.

Тие додаваат дека имаат план да се спротивстават на сите блокади, заедно со коалициските партнери, и со парламентарното мнозинство да продолжат со работа за граѓаните и државата.

Share on Facebook

Tweet

Follow us

Save