Северна Кореја повторно предупредува со балистички ракети

Северна Кореја денеска истрела балистичка ракета, јави новинската агенција Јонхап, повикувајќи се на извори од јужнокорејската војска.

„Северна Кореја лансираше балистичка ракета кон Источното Море“, соопшти Сеул, користејќи го корејското име за Јапонско Море.

Јужна Кореја цела недела спроведува воени вежби со армијата на САД .
Маневрите наречени „Штитот на слободата“ треба да ја зајакнат соработката меѓу сојузниците наспроти нуклеарната закана од Пјонгјанг.

Ова се најголемите заеднички воени вежби меѓу Сеул и Вашингтон во последните пет години. Маневрите треба да траат десет дена.

Во четвртокот Пјонгјанг ја истрела својата најмоќна ракета, интерконтиненталната балистичка ракета Хвасонг-17 (ИЦБМ). кој беше втор ваков вид на ракетен тест оваа година.

Share on Facebook

Tweet

Follow us

Save