Трамп и Зеленски разговарале за можна испорака на ракети „Томахавк“ во Киев

Американскиот претседател Доналд Трамп и украинскиот лидер Володимир Зеленски разговарале по телефон за можноста за испорака на ракети „Томахавк“ со долг дострел во Киев, објави „Аксиос“, повикувајќи се на два извори.

Според началникот на кабинетот на Зеленски, Андриј Јермак, разговорот се одржал попладнево и траел околу 30 минути. Во исто време, друг извор вели дека американскиот претседател сè уште не донел конечна одлука за ова прашање.

Трамп претходно изјави дека „речиси донел одлука“ за потенцијалната испорака на крстосувачки ракети, но сакал да разбере како Киев планира да ги користи.

За потсетување, рускиот претседател Владимир Путин предупреди дека употребата на ракети „Томахавк“ од страна на Киев ќе предизвика сериозна штета на руско-американските односи, нагласувајќи дека употребата на овие системи на украинското бојно поле е невозможна без директно учество на американски воен персонал.

Во исто време, официјална Москва предупредува дека ваквите чекори дополнително ќе го ескалираат конфликтот и ќе предизвикаат непоправлива штета на руско-американските односи.

Share on Facebook

Tweet

Follow us

Save