Серија земјотреси утрово во Турција!

Серија земјотреси рано утринава ги потресоа луѓето во Турција. Три земјотреси стресоа различни делови на земјата, објавија турската Дирекција за управување со катастрофи и вонредни состојби (АФАД) и сеизмолошката опсерваторија Кандили со седиште во Истанбул.

Земјотрес со јачина од 4,3 степени е регистриран денеска во 7 часот и 56 минути во округот Малатија, југоисточна Турција. Епицентарот на земјотресот бил во градот Путурге. Длабочината на земјотресот била 7,04 километри, јавува АФАД.

Во 7 часот и 15 минути, земјотрес со јачина од 3,9 степени според Рихтеровата скала е регистриран во блискиот округ Хатај. Епицентарот на земјотресот бил во Средоземното Море, недалеку од градот Самандаг, на длабочина од 7 километри.

Малатија и Хатај беа меѓу единаесетте области погодени од разорните земјотреси на 6 февруари.

Во 5 часот и 18 минути е регистриран уште еден земјотрес со јачина од 4,3 степени во Средоземното Море. Потресот бил почувствуван најмногу во одморалиштето Датча, округот Мугла, југозападна Турција. Неговата длабочина беше 6,94 км.

По трите земјотреси следеа голем број последователни потреси. Нема информации за повредени или материјална штета, но земјотресите предизвикаа паника кај луѓето.

Share on Facebook

Tweet

Follow us

Save