Се огласи адвокатката на таткото на Коста: Оружјето е чувано законски

Адвокатката на Владимир К., чиј син Коста. К. уби девет и рани седум лица во училиштето „Владислав Рибникар“ во Белград, изјави дека оружјето и муницијата на осомничениот биле обезбедени со закон.

Ирина Боровиќ изјави дека Владимир ги чувал муницијата и оружјето кои биле пронајдени согласно прописите, како и дека има соодветни дозволи за целото оружје и дека е член на Спортскиот сојуз.

-Сè беше во целосно легален посед, обезбедено, заклучено, под шифри, дури и дополнително обезбедено во однос на она што го пропишува законот – посочи таа.

Боровиќ, во името на семејството на Владимир и неговиот син, изрази сочувство до семејствата на убиените и побара од медиумите да бидат повнимателни кон семејствата на убиените и осомничените.

Вишиот суд во Белград на таткото на момчето кое уби осум ученици и чувар во училиштето „Владислав Рибникар“ му одреди 30-дневен притвор, соопшти судот.

Share on Facebook

Tweet

Follow us

Save