Силен земјотрес во Јапонија, срушени се куќи!

Земјотрес со јачина од 6 степени според јапонската сеизмолошка скала утрово го погоди јапонскиот полуостров Ното во префектурата Ишикава, соопшти Јапонската метеоролошка агенција.

Епицентарот бил на длабочина од 10 километри, а по 10 минути следел уште еден земјотрес со јачина од 4,8 степени на истиот полуостров, пренесува Kyodo.
Пет куќи се урнаа во градот Вуџијама, а мала промена на нивото на морето е забележана во близина на градот Сузу, иако не е издадено предупредување за цунами, соопшти агенцијата.
За разлика од Рихтеровата скала, јапонската сеизмолошка скала не ја опишува точната јачина на земјотресот, туку степенот на тресење во случај на земјотрес.

Според таа скала, земјотрес со јачина од 6 степени значи дека е речиси невозможно да се застане или да се движи освен со лазење и дека најголемиот дел од мебелот ќе се движи и повеќето предмети ќе паднат во моментот на земјотресот.

Share on Facebook

Tweet

Follow us

Save