Силен земјотрес ја погоди Адана!

Земјотрес со јачина од 4,2 степени е регистриран денеска во јужниот турски округ Адана, соопшти владината Дирекција за управување со катастрофи и вонредни состојби (АФАД), цитирана од Anadolu Agency.

Адана беше меѓу најтешко погодените области во Турција во разорните земјотреси во февруари.

Според податоците на АФАД, земјотресот во 12:37 часот бил со епицентар во Сајмбеили и на длабочина од 7 километри.

Разорните земјотреси во Турција во февруари однесоа животи на 50.500 луѓе, соопшти турскиот министер за внатрешни работи Сулејман Сојлу.

Земјотреси со јачина од 7,7 и 7,6 степени ја потресоа југоисточна Турција на 6 февруари. Потреси се почувствувани во 11 турски окрузи и соседни земји, а најмногу настрада Сирија. Штетата од природната катастрофа надмина 100 милијарди долари, соопштија претходно турските власти.

Share on Facebook

Tweet

Follow us

Save