Силно невреме го зафати Скопје: Поплавени улици, откорнати дрвја

Од повеќе делови на градот стигнуваат информации за поплавени улици и паднати дрвја. Граѓани јавуваат дека има паднати дрвја во околината на Транспортниот центар, како и во строгиот центар на градот.

Од УХМР денеска најавија дека попладнево ќе има развој на нестабилна облачност со пороен дожд, грмежи и засилен ветер. Во делови од котлината ќе има услови за краткотрајно невреме со интензивен пороен дожд, силен ветер и појава на град. Минималната температура ќе се спушти до 16, а максималната ќе достигне до 32 степена.

И во недела времето ќе биде променливо облачно, на повеќе места нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд, силен ветер и појава на град. Во почетокот на следната седмица ќе настапи преодно стабилизирање на времето.

Share on Facebook

Tweet

Follow us

Save