Синот на Трамп: Србија е една од земјите со најбрз раст во Европа, чест е да се биде таму

Ерик Трамп, син на американскиот претседател Доналд Трамп, во интервју ја потврди планираната изградба на луксузен хотел во Белград и нагласи дека Србија е една од земјите со најбрз раст во Европа и дека е голема чест за брендот „Трамп“ да биде присутен во оваа земја.
Договорот со Србија доаѓа во време кога таа земја бара поддршка од САД за влез во Европската унија, пишува „Њујорк Тајмс“.
Како што е наведено, по повеќе од една деценија откако Доналд Трамп првпат ја изнесе идејата за развој на хотел Трамп на локација во сопственост на српската влада, неговото семејство сега е блиску до остварување на тој сон во комплициран договор кој вклучува и магнат за недвижнини од Абу Даби и Џаред Кушнер, зетот на Доналд Трамп.
Кушнер формираше партнерство со Мохамед Алабар, градителот на хотелот Бурџ Калифа во Дубаи, највисоката зграда во светот.
Тие планираат да изградат нов хотел на локација во Белград со давање под закуп на имотот од Владата на Србија, кој според нацрт-договорот ќе учествува во добивката.
Србија во мај одобри план за изнајмување на поранешната локација на Министерството за одбрана на компанија поврзана со Кушнер за изградба на хотел со 175 соби, малопродажен простор и повеќе од 1.500 станбени единици во три посебни кули.
Одобрениот план вклучува 99-годишен закуп и меморијален комплекс за повредените или убиените за време на бомбардирањето на НАТО.
Освен во Србија, хотелскиот бизнис под брендот „Трамп“ ќе се развива и во Саудиска Арабија, Обединетите Арапски Емирати и Виетнам, додава њујоршкиот весник.
ПОВРЗАНИ ВЕСТИ
Синот на Трамп: Србија е една од…
Ерик Трамп, син на американскиот претседател Доналд…
Студентите изгласаа блокирање на Државниот универзитет во…
Студентскиот пленум на Државниот универзитет во Нови…
Медведев: Трамп не може да ја измами…
Американскиот претседател Доналд Трамп се обиде да…
Брнабиќ: На вонредна седница ќе се расправа…
Претседателката на српскиот Парламент, Ана Брнабиќ потврди…
Студентските протести во Србија се најдоа и…
Најчитаниот норвешки дневен весник Verdens gang (VG)…