Сиљановска-Давкова го честита Богојавление – Водици: Со верба да продолжиме по патот на љубовта и правдата

Претседателката Гордана Сиљановска-Давкова, по повод големиот христијански празник Богојавление – Водици, упати честитка до поглаварот на Македонската православна црква – Охридска архиепископија, Архиепископ охридски и македонски, г.г. Стефан, членовите на Светиот архијерејски синод, на преподобното монаштво и свештенство и до православните верници.

– Богојавление е ден кога ја чувствуваме Божјата присутност во нашите животи, ден кога со отворено срце ја примаме љубовта и светлината којашто Бог ни ја дарува, потврдувајќи ја нашата верба во него. Денес кога го славиме Божјото откровение на Земјата, ние сме повикани да го покажеме најдоброто и најсветлото на овој свет. Оваа година нека биде година на обнова, љубов и заедништво, со Божји благослов, а овој празник нека биде поттик за сите нас со верба да продолжиме по патот на љубовта и правдата, да бидеме светлина за другите и да градиме поубав свет исполнет со милост и со сплотеност – порача претседателката Гордана Сиљановска-Давкова

Таа денеска во Охрид присуствува и на чинот на осветувањето на водите и положувањето на светиот крст во Охридското Езеро, а потоа во Струга ќе ја проследи и црковната церемонија на осветувањето на водите и положувањето на чесниот крст во реката Црн Дрим, водосветен чин, што ќе биде извршен од неговото Блаженство г. г. Стефан.

Share on Facebook

Tweet

Follow us

Save