Си-Ен-Ен: И покрај сите предупредувања Пелоси ќе преноќи во Тајван – Повици да се сруши нејзиниот авион!

Спикерката на Претставничкиот дом на американскиот Конгрес, демократката Ненси Пелоси, има намера да долета во Тајван во наредните денови и таму да преноќи, иако тој дел од патувањето не е на нејзиниот распоред.

Ова денеска го тврди телевизијата Си-Ен-Ен, повикувајќи се на неименувани службеници на Тајван и САД.

Според распоредот, Пелоси, која се наоѓа на азиска турнеја, беше веќе во Сингапур, и има закажано средби во Малезија, Јужна Кореја и Јапонија.

Главната интрига на оваа азиска турнеја на Пелоси е дали таа ќе отпатува на Тајван, остров кој прогласи независност од Кина, а кој Кина не го признава и предупредува дека може да има последици од таква официјална посета.

Вечерва, и неколку тајвански изданија исто така напишаа дека Пелоси се очекува да стигне на островот и да преноќи во Тајпеј.

Министерот за надворешни работи на Кина, Цао Лицзан, на дневниот брифинг денеска изјави дека визитата на Пелоси на Тајван ќе биде „грубо мешање во внатрешните работи на Кина“ и предупреди дека тоа ќе предизвика „многу сериозни настани и последици“.

Претставници на официјалните медиуми на Кина повикаа Пекинг да го урне авионот на американскиот политичар во случај на полет за Тајван.

Претседателката на Претставничкиот дом на САД, Пелоси, ќе замине во Тајван со американски воен авион доколку одлучи да го посети Тајван, изјави американскиот функционер Кирби.

Share on Facebook

Tweet

Follow us

Save