Скандал во Европската комисија: Урсула Фон дер Лајен криела писмена комуникација со извршниот директор на Фајзер

Официјален надзорник на ЕУ ја критикуваше Урсула Фон дер Лајен дека чувала тајни текстуални пораки со извршниот директор на Pfizer за купување дози на вакцина против Ковид, велејќи дека тоа „претставувало злоупотреба“.

Народниот правобранител на ЕУ, Емили О’Рајли, издаде формална препорака со која ѝ се кажува на канцеларијата на Фон дер Лајен да ги предаде текстовите според барањето за слобода на информации поднесено од новинар.

Во април минатата година, Њујорк Тајмс откри дека претседателката на Комисијата на ЕУ, Урсула Фон дер Лајен и извршниот директор на Pfizer, Алберт Бурла, размениле СМС пораки и повици за набавки на вакцини за земјите од ЕУ.
Шефот на Европската комисија користел „лична дипломатија“ за да го обезбеди договорот за 1,8 милијарди вакцини на „Фајзер“ преку текстови со извршниот директор, открива весникот.

Новинарот Александар Фанта од информативната страница netzpolitik.org потоа побара од Комисијата пристап до СМС пораките и другите документи, но извршната власт не ги обезбеди.

Комисијата го отфрли барањето за добивање јавни информации, одбивајќи да каже дали постоеле текстовите, иако Фон дер Лајен самата се повикала на нив во интервју за медиумите.

Според истрагата на народниот правобранител, Комисијата не побарала јасно од кабинетот на Фон дер Лајен да ги покаже СМС пораките.

Наместо тоа, Комисијата рече дека единствените информации што ги имале биле е-пошта, писмо и соопштение за печатот.

„Ова не ги исполнува разумните очекувања за транспарентност и административни стандарди во Комисијата“, рече О’Рајли.

Share on Facebook

Tweet

Follow us

Save