Собранието на Република Македонија има нов пратеник
Собраниската Комисија за деловнички и мандатно-имунитетни прашања денеска го верификуваше мандатот на новата пратеничка во Собранието професорката во средно училиште, Даниела Стојановска – Пановска од СДСМ. Мандатот на новата пратеничка претходно беше констатиран на денешната 67.седница на Државната изборна комисија.
Стојановска – Пановска, која беше следна од листата на СДСМ и коалицијата во Изборната единица 3, доаѓа на местото на пратеникот Зеќир Рамчиловиќ, кој е именуван за амбасадор во Црна Гора.
Дитмире Шеху, потпретседател на Државната изборна комисија информира дека Стојановска – Пановска во предвидениот рок ја известила ДИК дека го прифаќа пратеничкиот мандат. Посочи дека ДИК издаде уверение за избраниот пратеник Даниела Стојановска – Пановска.
Претседателот на собраниската Комисија за деловнички и мандатно-имунитетни прашања Панчо Минов се заблагодари на Зеќир Рамчиловиќ за досегашната работа како пратеник во Собранието, а на новата пратеничка и посака успешна пратеничка работа и функција.
ПОВРЗАНИ ВЕСТИ
Благодарница за министерот Ристовски за поддршката и…
Во име на организаторите на Скопскиот маратон,…
Кумановец условно осуден за веење на знаме…
Деветнаесетгодишниот Арди Саити од Куманово добил условна…
Христовски: АНБ ја следи одлука на Египет…
АНБ ја следи одлука на Египет да…
Серафимовски: Започна откупот на тутун по цена…
Започна откупот на годинешната реколта по цена…
(Видео) АНБ ОТКРИ ИРАНСКА ПРОКСИ МРЕЖА ВО…
АНБ во соработка со МВР откри и…