INFOMAX.MK

Илјадници приврзаници на Навални се собраа во московската област Марино на денот на неговиот погреб.
Сопругата на покојниот руски опозициски лидер Алексеј Навални – Јулија Навални им се заблагодари на илјадниците луѓе кои со часови чекаа да го посетат гробот на нејзиниот сопруг.

“Многу луѓе се прашуваат зошто Алексеј се бореше толку тешко и никогаш не се откажа – поради вас. За убавите, храбрите и чесните луѓе кои сега чекаат во бескрајна редица да се простат од него. Ви благодариме. Ова е вистинската љубов на луѓето, “ напиша вдовицата на социјалната мрежа Х.

Многие задаются вопросом, ради чего Алексей так яростно боролся и никогда не сдавался.
Ради вас. Прекрасных, смелых и честных людей, которые теперь бесконечной очередью идут с ним проститься.
Спасибо вам. Это и есть настоящая народная любовь. pic.twitter.com/vEwdD7ZaZF
— Yulia Navalnaya (@yulia_navalnaya) March 4, 2024

Потсетуваме дека илјадници приврзаници на Навални се собраа во московскиот кварт Марино на денот на неговиот погреб за да му оддадат почит на најпознатиот руски опозициски лидер, кој почина во казнена колонија на Арктикот на 16 февруари на 47-годишна возраст.

И покрај предупредувањата од портпаролот на претседателот Владимир Путин за неовластени собири, многумина го скандираа името на Навални и носеа пароли како „Путин е убиец“ и „Не на војната“.

Јулија Навални го обвини Путин дека го наредил убиството на нејзиниот сопруг. Тимот на Навални соопшти дека планира да спроведе истрага и да ги објави имињата на одговорните. Кремљ негира вмешаност и одбива да коментира за ова прашање.