INFOMAX.MK

Минатиот февруари, Софи Адено влезе во историјата како втората Французинка која отпатувала во вселената, по Клоди Ењере. Шест месеци подоцна, таа е пред уште еден историски чекор – да стане првата Французинка која ќе излезе во вселената.

Астронаутката ја сподели веста со своите следбеници на Instagram и X.

[🇫🇷 version FR 👇] Day 179 orbit 2774 — Yoohoo! EVA-96 was completed successfully by @Astro_Jessica and @astro_anil! These photos pretty much capture how happy I was to see them back… although you can also spot a few signs of fatigue, because it had been a veeeery long day.… pic.twitter.com/5tLpDUDlN2
— Adenot Sophie (@Soph_astro) August 11, 2026

На 18 август, Адено ќе ја изведе својата прва вселенска прошетка надвор од Меѓународната вселенска станица, каде што ќе помогне во поправката на системот за комуникација на станицата.

Со неа ќе биде и американскиот астронаут Анил Менон, кој веќе има учествувано во вселенска прошетка за поправка на антена со голем пропусен опсег, која се користи за комуникација со Земјата.

Од НАСА објаснуваат дека двајцата астронаути од Експедиција 75 ќе излезат надвор од станицата за да заменат антена која е од клучно значење за пренос на големи количини податоци и комуникацијата меѓу вселенската станица и контролните центри на Земјата.

Софи Адено и нејзиниот колега веќе започнаа со подготовките за мисијата.

НАСА соопшти дека во понеделникот Менон и Адено заедно работеле во воздушната комора „Квест“, каде што ги подготвувале алатките што ќе ги понесат со себе надвор од станицата.

Со оваа мисија, Софи Адено ќе стане првата Французинка, а втората Европејка, која ќе изведе вселенска прошетка. Пред неа, тоа го направи италијанската астронаутка Саманта Кристофорети во 2022 година.

Адено би можела повторно да излезе надвор од вселенската станица и на 25 август.