Спасовски апелира: Граѓаните да се воздржат од пукање

t

Веселбите, за дел граѓаните се мотив да користат огнено оружје. Полицијата дополнително ќе врши контроли, периодов кога е сезона на свадби. Првиот полицаец Оливер Спасовски апелира – граѓаните да се воздржат од пукање.

„Мора да работиме на јакнењето на нашата јавна свест, реформа на умот, за која често пати укажувам дека ниту една легислативна реформа нема да биде доволна ако не направиме реформа на умот и не осознаме дека се ставаме во ризик и ние и нашите семејства, посебно преку употреба на оружјето во ситуации во коишто не треба да го употребуваме“, рече Спасовски.

Нелегалното пукање со огнено оружје се казнува меѓу 200 и 500 евра, доколку се прекрши јавниот ред и мир. А, доколку се предизвикаат последици се предвидува казна од една до пет години затвор.

Од 2012 до 2016 година во земјава се евидентирани 1 010 случаи на нелегална трговија со огнено оружје и муниција. Ова беше кажано на презентација на резултати од проект за оружја меѓу МВР и Програмата за развој на Обединатите нации, УНДП. Во три години се надрградил регистарот за оружје. Тој сега овозможува следење на патот на легалните оружја – од влегувањето во државата, па сè до крајниот корисник на оружјето. Со новиот Полициски информациски систем, МВР електронски ќе следи евентуални инциденти поврзани со легални оружја.

Извор: Алсат

ПОВРЗАНИ ВЕСТИ

(Видео) Пукање во универзитет во Америка, има…

Американската полиција влезе во кампусот на Универзитетот…

Пукање во центарот на Куманово

Престрелка попладнево се случила во центарот на…

Пукање во Канада: Пронајдени три безживотни тела…

Три лица загинаа, а две се ранети…

Спасовски: Отворивме сериозна битка со криминалните структури

Министерот за внатрешни работи Оливер Спасовски вели…

Спасовски со пораки на Комитетот на министри…

Mинистерот за внатрешни работи, Оливер Спасовски, во…