Спасовски го пофали Мицкоски што ќе ја користи „северна“: Добро ќе беше тоа да го кажете пред избори

Она што го правите денес е далеку од ветувањата што им ги дадовте на граѓаните пред изборите, истакна денеска од собраниската говорница координаторот на пратеничката група на СДСМ, Оливер Спасовски.

– Добро е што сега кажувате дека ќе го користите уставното име со придавката „северна“, но чесно ќе беше тоа да го кажете и пред изборите, истакна Спасовски.

Тој додаде дека програмата која ја презентира новото владејачко мнозинството има проекти кои веќе постојат, како на пример видео-надзор на граничните премини кој постои веќе 30 години и тоа има два системи.

– Да покажеме сериозна одговорност пред граѓаните дека сите заедно сакаме да ги промениме состојбите и околностите во добар правец, се надевам дека нема да креирате општество кое ќе не враќа сите назад, рече Спасовски.

Share on Facebook

Tweet

Follow us

Save