Спасовски: Уништивме над 10 тони дрога пред два месеци

Ефикасноста во сузбивањето на нелегалната трговија со дрога е зголемена, уништивме над 10 тони дрога пред два месеци, истакна вчера во гостување во Клик Плус министерот за внатрешни работи, Оливер Спасовски.

– Во делот на спречувањето на присуството на дилери на дрога во близина на училишта, полицијата делува и превентивно и репресивно и евидентно е дека ефикасноста на полицијата е зголемена.

Ако ги погледнеме извештаите можеме и да забележиме конкретни податоци колку улични дилери се уапсени. Не само околу училиштата, било каде во градот. Минатата година имавме 23 уапсени дилери во еден ден на подрачјето на СВР Тетово. Ефикасноста на откривачката дејност е зголемена. Пред неполни два месеци имавме најголемо уништување на количина на дрога. Уништивме околу 10.300 килограми.

Најголемиот број од случаите со заплена на поголема количина дрога се меѓународни транспорти, односно преземени дејствија за прекинување на ланци на меѓународен транспорт, информира тој.

Share on Facebook

Tweet

Follow us

Save