Спикерот на Конгресот на САД ја поддржува истрагата која може да доведе до импичмент на Бајден!

Претседателот на Претставничкиот дом на САД, кој е под контрола на републиканците, Мајк Џонсон изјави дека ја поддржува истрагата против претседателот Џо Бајден, што може да доведе до негов импичмент.

„Во оваа фаза, нашата истрага за импичмент веќе го откри коруптивното однесување на претседателското семејство и дека претседателот и претставниците на Белата куќа постојано лажеле за неговата вмешаност во деловните зделки на роднините. Исто така, откри десетици милиони долари добиени од противници во странство преку компании кои се контролирани од синот и братот на претседателот, како и нивните деловни партнери“, се вели во соопштението на Џонсон.
Според висок конгресмен, следниот чекор во истрагата треба да биде повикување сведоци кои ќе помогнат да се „пополнат празнините“ во податоците во врска со улогата на Бајден во корупциските шеми.

„Додека се движиме кон пресвртна точка во оваа клучна истрага, (конгресмените) можат да сметаат на мојата целосна и непоколеблива поддршка“, рече Џонсон.
Долниот дом на Конгресот, кој е под контрола на републиканците, спроведува истрага која има за цел да ја докаже вмешаноста на Бајден во деловните трансакции на неговите роднини, кои наводно тргувале со името на претседателот низ светот. Сепак, како што забележуваат водечки американски медиуми и аналитичари, дури и ако конгресмените во Претставничкиот дом гласаат за импичмент на Бајден, демократското мнозинство во Сенатот нема да дозволи американскиот лидер да поднесе оставка.

Share on Facebook

Tweet

Follow us

Save