Србин ја убил сопругата, пукал во зетот па се самоубил

Маж, за кој швајцарските медиуми јавуваат дека е по потекло од Србија (57), ја убил сопругата (54), тешко го ранил зетот (36) и се самоубил по расправија во семејната куќа во Елсау, предградие на Цирих.

Злосторството се случило на 8 септември, според швајцарските медиуми, а на него присуствувале ќерката и внуците на Србинот.

– Околу 21 часот слушнавме врисоци, а потоа и неколку истрели. Не знаевме што се случува, но сигурно беа испукани 4 или 5 истрели, видовме дека полицијата ја обиколи куќата – изјавија за Блиц соседите на парот.

Се испоставило дека мажот прво ја убил сопругата, го ранил зетот, а кога видел што направил се застрелал. Брзата помош ги пренела двајцата повредени во болница, каде на зетот му била извршена операција, а напаѓачот починал.

Според медиумите, испукани се четири истрели. Кантонската полиција во Цирих во текот на ноќта за Блиц потврди дека се случило злосторство.

– Огнено оружје е употребено во внатрешна семејна расправија – соопштија од полицијата.

Блиц јавува дека семејството се доселеници од Србија, а ќерката и внуците не се повредени.

Share on Facebook

Tweet

Follow us

Save