INFOMAX.MK

Србија и Словенија немаа проблеми да ги запишат и вторите победи на светското првенство во кошарка и тоа со убедливи, двоцифрени разлики.

Србите Триумфираа над Порторико со 94-77, откако уште во првото полувреме ја демонстрираа разликата во квалитет, добивајќи го со 57-27. Богдан Богдановиќ со 17 поени предводеше група од четири српски кошаркари со двоцифрени кошеви, меѓу нив Никола Јовиќ со 16, Алекса Аврамовиќ со 15 и Никола Милутинов со 12 поена и 15 скока. Србија има максимални четири бода, но в среда ќе игра со Јужен Судан, кој има една победа и теоретски е во конкуренција за втората фаза.

Словенија, пак, ја прегази Грузија со 88-67, носена од уште една фантастична партија на Лука Дончиќ. НБА-ѕвездата овој пат запиша дабл-дабл од 34 поени и 10 скока, на кои додаде и шест асистенции, држејќи го нивото од првото коло, кога ѝ даде 37 коша на Венецуела. Препелиќ имаше 15 поени, а Мамукелашвили беше најефикасен кај Грузија со 21. 21. И Словенија, како и Србија има четири бода, во својата група Ф, но за официјален пласман во втората фаза ќе ѝ треба победа и над Зеленотртската Република, в среда.

Извор: sport1.mk