ССМ ќе бара оставка од сите пратенци кои нема да гласаат за зголемување на платите во јавниот сектор

Јавно ќе бараме оставка од тие пратеници кои што ќе дигнат рака за „не“ на работниците во Комисијата за финансирање и буџет. Работникот денеска очекува да го изгласате амандманот за линеарно покачување на платите од 2806 денари. Доколку не се случи тоа јавно со име и презиме ќе ги објавиме имињата на сите пратеници, изјави претседателот на ССМ, Дарко Димовски од пред Собранието.

-Апелирам до Собранието без проблеми да му помогнеме на работникот и да го изгласаме амандманот поднесен од Сојузот на синдикати на Македонија. Ние продолжуваме со штрајкот. Ние денес бараме пари за леб, за плаќање на сметки и за издржување на семејствата. Секој ден ќе излегуваме со работниците на улица рамо до рамо, појасни Димовски за штрајкот во јавниот сектор.

-Преговораме со 5 општини и 12 комунални претпријатија за линеарно зголемување на платите, додаде Димовски.

Share on Facebook

Tweet

Follow us

Save