Столтенберг пристигна во ненајавена посета на Киев: Се сретна со Зеленски

Генералниот секретар на НАТО Јенс Столтенберг пристигна во ненајавена посета на Украина и во Киев се сретна со украинскиот претседател Володимир Зеленски.
Столтенберг пристигна во Киев со воз. За време на патувањето, тој разговараше со новинарите и призна дека земјите од НАТО не ги исполниле своите обврски кон Украина, потсетувајќи на договорот за нова воена помош на САД, кој се влечеше цели шест месеци, како и на проблемите со испраќањето ракети од Европа. Сепак, ситуацијата сега ќе се промени, сигурен е Столтенберг.

„Не е доцна Украина да победи. Но, затоа е толку важно што сојузниците на НАТО сега навистина го сторат тоа што го ветивме и тие обврски да ги претвориме во реални испораки на оружје и муниција. Сега сум убеден дека тоа ќе се случи“, нагласи тој.
Столтенберг на прес-конференцијата со украинскиот лидер посочи дека Украина е на патот кон членство во НАТО, но дека не очекува ова прашање да се реши на самитот во лето. Тој призна дека системите за воздушна одбрана и муницијата, кои му беа ветени на Киев, се недоволни.

Share on Facebook

Tweet

Follow us

Save