Страшна несреќа кај скопската обиколница: Еден човек загина, двајца се со тешки телесни повреди

Млад маж го загуби животот вчера во несреќа што се случи на скопската обиколница.

Како што соопштуваат од полиција, во 18.55 часот во СВР Скопје било пријавено дека на автопатот Северна обиколница на град Скопје, во насока од Куманово кон Тетово, во близина на клучка Стенковец, товарно возило удрило во Б.Џ.(31) од с.Романовце, кумановско, Ш.Е.(34) и Р.Е.(30), двајцата од с.Танушевци, скопско, кои биле до паркирано товарно возило „ман“ со кумановски регистарски ознаки, по што го напуштило местото.

На местото на несреќата починал Р.Е., а смрт била констатирана од лекар од Итна медицинска помош.

Со телесни повреди се здобиле Б.Џ. и Ш.Е., констатирани во Комплексот клиники „Мајка Тереза“.

За настанот бил известен Јавен обвинител, а увид извршила екипа од СВР Скопје.

Share on Facebook

Tweet

Follow us

Save