Струга го „здроби“ Вардар на Арената, Работнички слави во Охрид и стана лидер во Првата лига!

Вардар одново доживеа дебакл откако загуби од шампионот Струга со убедливи 1:4 на Националната арена во Скопје, со што за Вардар ова е голем удар откако пред шест дена загуби во Тетово од Шкендија со 4:0, пренесува МНЕТ.

Влајковиќ погоди за водство на Вардар од 0:1, а Вардар преку Босанчиќ израмни на 1:1. Пред крајот на првиот дел Кампаоре донесе водство за Струга од 1:2. Во вториот дел Кампаоре со втор гол и Кехинде ги поставија конечни 1:4.

Пелистер и Тиквеш ремизираа без погодоци (0:0) во Битола, а голови немаше ниту во Кратово каде ремизираа Силекс и Шкендија, која имаше два црвени картони.

Работнички со 0:2 славеше над Воска Спорт во Охрид со што „романтичарите“ се на врвот од табелата. До овој триумф новиот лидер дојде со погодоците на Регба и Мазари.

Гостивар и Беса ги поделија бодовите откако домаќинот прими гол во финишот за 1:1. Ивановски беше стрелец за домаќинот, а за гостинот погоди Скендери.

Шкупи на домашен терен со 3:1 ја доби Брера Струмица во меч каде Едмундсоон и Канда погодија за Шкупи во првиот дел за 2:0, а Ивковиќ за 2:1. Во второто полувреме Ајетовиќ ги постави конечните 3:1.

Извор:МНЕТ

Share on Facebook

Tweet

Follow us

Save