Струга ќе го прославува денот на независноста на Косово

Градоначалникот на Општина Струга, Рамис Мерко, денеска го посети Конзулатот на Република Косово во Струга и оствари средба со конзулот Агим Красниќи.

На средбата, како што соопшти општинската прес-служба, било разговарано за долгогодишната соработка меѓу Струга и Република Косово, како и за одбележувањето на Денот на независноста во Косово.

“Соработката меѓу Струга и Република Косово има долга историја.

Во духот на оваа соработка очекуваме реализација на низа проекти и збратимување меѓу повеќе општини и основни и средни училишта. Се разговараше и за одбележувањето на Денот на независноста на Република Косово, проблемите со кои се соочуваат граѓаните и посветеноста на институциите да ги разгледаат и реализираат нивните барања”, стои во соопштението.

Градоначалникот Мерко, како што е наведено, изразил задоволство што Република Косово има конзул во Струга, што ја олеснува соработката со косовските општини.

Share on Facebook

Tweet

Follow us

Save