Судбината на Израел и Палестина ќе се решава во Москва?!

По вчерашниот напад на Израел, Русија изрази сериозна загриженост, повикувајќи ги и палестинската и израелската страна да престанат со насилството.

Шефот на Арапската лига, Ахмед Абул Геит денеска отпатува за Москва, каде со рускиот министер за надворешни работи Сергеј Лавров ќе разговара за ситуацијата во Појасот Газа, откако палестинската милитантна група Хамас изврши напад врз Израел.

Геит, кој беше министер за надворешни работи на Египет за време на владеењето на Хосни Мубарак, ќе разговара за „тековната ескалација во Појасот Газа“, изјави портпаролот на Арапската лига, пренесе Ројтерс.

Москва соопшти дека се неопходни соодветни преговори за да се обезбеди создавање на независна палестинска држава во границите од 1967 година, со главен град источен Ерусалим.

Share on Facebook

Tweet

Follow us

Save