Сè уште успева измамата со лажна сообраќајна несреќа – жена од Скопје „олеснета“ за 3.200 евра

75-годишна скопјанка наседнала на една од најстарите измами кои се користат кај нас – онаа со лажен телефонски повик за наводна сообраќајна несреќа во која учествувал близок член на семејството на измамениот, велат од МВР.

„На 28.01.2025 во 17.30 часот во СВР Скопје, 75-годишна жена од Скопје пријавила дека била измамена од едно лице за сума од 3.200 евра. Според пријавеното, лицето ѝ се јавило телефонски, се претставило како полициски службеник и ѝ кажало дека нејзината ќерка предизвикала сообраќајна несреќа во која прегазила дете и доколку не сака таа да лежи во затвор требало да плати. Како што е пријавено, таа ги подигнала парите од банка и ги оставила на договореното место, а откако се слушнала со нејзиниот зет, сфатила дека била измамена“, пишува во полициското соопштение.

Од полицијата додаваат дека преземаат мерки за расчистување на случајот.

Share on Facebook

Tweet

Follow us

Save