INFOMAX.MK

Министерот за здравство и дел од коалицијата Вреди, Арбен Таравари денеска во емисијата „Daily Click“ на ТВ21 истакна дека премиерот Христијан Мицкоски имал забелешки против Коридорот 8 и Договорот од Преспа, но ги прифатил, па така и ќе ги прифати уставните измени.

„Дали беше против Коридорот 8 или денес на Коридорот 8 се работи поенергично од кога било досега. Да ви кажам, Договорот од Преспа, и таму имаше противење, но денеска го прифати. Третата работа што треба да ја направи господинот Мицкоски, се надевам дека ќе ја направи… Ме радува што е 100% убеден дека дефинитивно треба да тргнеме на патот кон ЕУ“, рече Арбен Таравари.

Во однос на дадениот рок од шест месеци за уставни измени, Таравари побара да им се даде една година:

Таравари: Дали уставните измени биле ветени и претходно? 2014, 16, 17, 20?

Модератор: Да.

Таравари: Па дајте ни 1 година, на нив им дадовте 10 години.

Модератор: Ќе ви дадеме и 2 години, но вие самите рековте 6 месеци.

Таравари: Не, нашето инсистирање е постојано дека уставните измени треба да се случат што е можно побрзо.