“Тешко на Русите”: Германија скоро и да не извезува пиво во Русија

Пиварите од германската провинција Баварија, поради војната во Украина, речиси повеќе не испорачуваат пиво во Русија.

Според податоците на Баварската земјоделска асоцијација, извозот на пиво во Русија речиси е запрен.

Портпаролот на здружението Лотар Еберз за „Билд“ изјави дека во Русија во јануари биле извезени околу 77.477 хектолитри пиво, а во февруари 78.797 хектолитри, пренесува Танјуг.

„По почетокот на војната во Украина, извозот на пиво во Русија значително се намали. Во март на околу 47.313 хектолитри, а во јуни 23.249 хектолитри“, рече Еберц.

За пиварниците, прекинот на извозот во Русија е проблем бидејќи Русија, по Италија, беше втора по големина извозна дестинација за пиво од Баварија. Минатата година Баварија извезла околу 950.000 хектолитри пиво во Русија.

Еберц вели дека сегашната ситуација може да се спореди со ситуацијата поради корона-кризата.

Share on Facebook

Tweet

Follow us

Save