INFOMAX.MK

Седумнаесетгодишно момче било избодено до смрт во Лондон, а за неговото убиство осомничени се едно девојче и две момчиња, објави „Скајњуз“.

Полицијата вчера во раните утрински часови била повикана поради пријави за напад со нож на улицата Глисена Роуд, Батерси. Според информациите, 17-годишно момче било пронајдено со сериозни рани од кои починало. Полицијата го идентификуваше како Џамал Кумбс.

Уапсени се 15-годишно девојче и две момчиња на возраст од 14 и 15 години, под сомнение за убиство и остануваат во притвор.

„Нашите мисли се цврсто со најблиските на Џамал по неговата трагична смрт. Го разбирам влијанието што го имаше овој инцидент врз локалната заедница. Додека нашите истраги продолжуваат, апелирам директно до јавноста. Веруваме дека имало расправија пред нападот, па доколку сте биле во областа Лавандер Хил помеѓу 03:30 и 05:00 часот, поточно на Глисена Роуд, Акантус Роуд или Понтни Роуд, и сте биле сведоци на група мажи како трчаат, ве молиме да се јавите“ изјави главниот инспектор за детективи, Брајан Хауви.

Тој нагласи дека секоја информација, без разлика колку е мала, може да се покаже како клучна. Видео надзорот, ѕвончето или снимките од мобилен телефон можат да обезбедат витални докази.

„Исто така, би ги повикал членовите на јавноста да не претпоставуваат дека информациите веќе се споделени, секој детаљ може да биде од значајно значење за истрагата“ рече тој.