Топлотниот бран однесе над 2.000 животи во Франција за само една недела

Француската министерка за здравство, Стефани Рис, денеска изјави дека за време на силниот топлотен бран што ја зафати земјата кон крајот на јуни биле регистрирани 2.025 дополнителни смртни случаи, предупредувајќи дека конечниот број на жртви би можел да биде уште поголем.

Според неа, станува збор за периодот од 22 до 28 јуни, кога Франција се соочи со врвот на екстремно високите температури.

Во исто време, Француската агенција за јавно здравје соопшти дека во текот на истата недела вкупната смртност во земјата се зголемила за речиси 30 проценти, додека во регионот на Париз порастот надминал 60 проценти, пренесува „Фигаро“.

Во најновиот извештај на Агенцијата се наведува дека смртноста е зголемена за 29,1 процент, што претставува 2.025 дополнителни смртни случаи во споредба со претходната недела. Истовремено, се посочува дека оваа бројка најверојатно не е конечна и дека реалниот број на жртви може да биде повисок.

Share on Facebook

Tweet

Follow us

Save