Тошковски мора да поднесе оставка бидејќи граѓаните не се чувствуваат безбедно, велат од СДСМ

Од опозициската партија реагираат дека синоќешното двојно убиство и самоубиство во Прилеп е уште една страшна потврда дека безбедносната состојба во земјава е целосно излезена од контрола
Во Македонија една година луѓето се убиваат по улици, маала, во своите домови, а министерот Тошковски повеќе не може да ја сокрие вистината – рече портпаролката на СДСМ, Богданка Кузеска на денешната прес-конференција во седиштетот на партијата.

Таа вели дека јавноста е сведок на низа убиства, престрелки, ликвидации и закани кои се случиле во земјава изминатите години, а полицијата наместо да ги спречи нарко-клановите, ги штити.

„Системот е парализиран, криминалците управуваат со улиците, а власта со своето молчење и неспособност им овозможува тоа да се случува. Министерот Тошковски со месеци зборува за „намален криминалитет“, а Македонија секојдневно е потресена од убиства“,

кажа Кузеска.
Таа рече и оти пораката што ја добиваат граѓаните е дека животот им е помалку вреден од амбициите на власта и дека токму затоа Панче Тошковски мора веднаш да си поднесе оставка, и тоа не од морални причини, туку бидејќи како што велат, е неспособен да ја гарантира безбедноста на своите граѓани.

Share on Facebook

Tweet

Follow us

Save