Тошковски тајно се сретнал со родителите на жртвите од Кочани

Министерот за внатрешни работи, Панче Тошковски, во интервју за Македонската радио телевизија истакна дека е во постојана комуникација со родителите на жртвите од трагичниот настан во дискотеката „Пулс“ во Кочани, но не сака тоа да го користи за медиумски поени. Тој откри дека веќе остварил средби со дел од семејствата на настраданите. „Бев во Кочани и се сретнав со дел од родителите. Ќе направам сè што ми е должност како министер, но нема од тоа да правам медиумска кампања“.

Осврнувајќи се на истрагата, тој ја демантираше тезата дека процесот е целосно завршен. Според него, дел од постапката што ја води Основното јавно обвинителство – Кочани е формално завршена, но Обвинителството за организиран криминал сè уште работи на случајот.

Share on Facebook

Tweet

Follow us

Save