Трагедија во Финска: Се судрија два хеликоптери, нема преживеани

Патници во двата цивилни хеликоптери кои денеска полетаа од Талин и се судрија во југозападна Финска загинаа, соопшти Министерството за надворешни работи на Естонија. Како што јави естонската радиодифузна корпорација, двата цивилни хеликоптери што полетаа од Талин превезувале вкупно пет лица.

Едниот хеликоптер Robinson R-44 Raven бил регистриран во Австрија, а другиот хеликоптер од истиот тип е регистриран во Естонија, а во нив биле претприемачите Олег Сонајалг и Приит Јагант.

Како што јави финскиот ЈЛЕ, два естонски хеликоптери се судрија денеска напладне, во близина на аеродромот Еура на југозападот на Финска.

Хеликоптерите заедно ја напуштиле Естонија околу 11.17 часот и се упатиле кон Финска, финската полиција добила дојава од местото на несреќата во 12.35 часот, а според пријавата што ја добила финската спасувачка служба, два хеликоптери се судриле во воздух и паднале на земја.

По 15 часот финската полиција потврди дека соборените хеликоптери се наоѓаат на оддалеченост од околу сто метри еден од друг, во пошумена област. Полицијата распореди возила на финските одбранбени сили за да го обезбеди местото на несреќата.

Share on Facebook

Tweet

Follow us

Save