Трагедија: Хеликоптерска несреќа во Монт Еверест, шестмина загинаа

Шест лица, меѓу кои пет мексикански државјани, загинаа денеска кога хеликоптер се урна во непалскиот регион Монт Еверест, изјави владин претставник.

Службеникот на аеродромот во Катманду, Текнат Ситула, рече дека спасувачите извлекле пет тела и трагаат по шестото.
Непалските власти претходно објавија дека хеликоптерот со шест лица исчезнал во Непал. Пилотот на хеликоптерот бил од Непал, а другите се мексикански државјани, изјави претставник на аеродромот во Катманду за Ројтерс.

АП јавува дека хеликоптерот со странски туристи исчезнал во областа Монт Еверест и дека е изгубен контактот со леталото.
Хеликоптерот утрово се враќал во главниот град Катманду откако пет туристи го посетиле највисокиот планински врв во светот.
Туристичката и планинарската сезона во таа област заврши во мај, кога почна сезоната на дождови, а туристичките летови кон планините се поретки во овој период од годината бидејќи видливоста е слаба, а временските услови се непредвидливи.

Share on Facebook

Tweet

Follow us

Save