Трамп имал „многу добар разговор“ со Путин, очекува за брзо да завршат војните во Украина и во Иран

Американскиот претседател Доналд Трамп во интервју за Фокс њуз изјави дека Иран може да контактира со САД доколку сака да преговара за крај на војната.

„Ако сакаат да преговараат, можат да дојдат кај нас или да ни се јават. Знаете, има телефон. Имаме многу добри и сигурни линии“, рече Трамп.

Тој посочи дека го откажал планираното патување на неговите специјални пратеници, Стив Виткоф и Џаред Кушнер, во Исламабад, каде што престојува иранскиот министер за надворешни работи Абас Арагчи.

„Мислам дека војната со Иран ќе заврши многу брзо и ние ќе бидеме победници“, рече Трамп, изразувајќи увереност дека Исламската Република нема да продолжи со развој на својата нуклеарна програма.

Тој повторно ги критикуваше сојузниците во НАТО, оценувајќи дека не ја даваат доволната поддршка на САД.

„Велика Британија рече дека ќе испрати бродови кога ќе заврши војната и тоа не е добро“, додаде Трамп.

Американскиот претседател исто така изјави дека денес имал „многу добри разговори“ со рускиот претседател Владимир Путин и украинскиот претседател Володимир Зеленски.

„Работиме на руската ситуација… се надеваме дека ќе го завршиме и тоа“, рече Трамп.

Share on Facebook

Tweet

Follow us

Save