Трамп откри дека Зеленски му испратил писмо: Подготвен е за преговори

Американскиот претседател Доналд Трамп изјави дека добил писмо од Володимир Зеленски во кое изразил подготвеност да започне мировен дијалог.
„Во писмото се наведува дека Украина е подготвена да седне на преговарачка маса што е можно поскоро за да се доближи до траен мир и дека никој не сака мир повеќе од Украинците. Зеленски исто така напиша дека неговиот тим и тој се подготвени да работат под силно водство на претседателот Трамп за да се постигне траен мир. Тој исто така пренесе дека ја цени американската помош за Украина во зачувувањето суверенитет и независност“, рече Трамп во обраќањето до Конгресот.

Американскиот претседател откри и дека имал сериозни разговори со Русија од кои, како што рече, добил силни сигнали дека е подготвена за мир.
„Време е да се запре ова лудило, да се запре убиствата и да се стави крај на бесмислената војна. Ако сакате да ставите крај на војните, мора да разговарате со двете страни“, рече Трамп.

Share on Facebook

Tweet

Follow us

Save