Трамп: Русија треба повторно да биде примена во Г7

Американскиот претседател Доналд Трамп изјави дека би сакал Русија да се врати во Групата седум (Г7), оценувајќи го за погрешно протерувањето на Москва од Групацијата.

„Би сакал да се врати. Мислам дека нивното протерување беше грешка. Видете, ова не е прашање дали ја сакаме или не ја сакаме Русија. Тоа беше Г8. Мислам дека и Путин би бил среќен да се врати“,рече Трамп.

Руската Федерација беше членка на тогашната Г8 – Групата на осумте водечки на индустријализирани земји, но беше исклучена од групата по нејзината анексија на украинскиот регион Крим во 2014 година.

Оттогаш, групата (Г7) е составена од седум држави – Канада, Франција, Германија, Италија, Јапонија, Обединетото Кралство и Соединетите Американски Држави (САД).

На коментарите на Трамп засега нема реакција од Канада, која е претседавач со Г7 оваа година.

Share on Facebook

Tweet

Follow us

Save