Трамп се покаја па најавува ресетирање на односите со Кина: Постигнат е голем напредок

Американскиот претседател Доналд Трамп го поздрави „големиот напредок“ постигнат за време на трговските разговори меѓу американските и кинеските лидери во Женева за царините и рече дека е договорено „враќање на првобитниот статус кво“. „Денес имавме многу добар состанок со Кина во Швајцарија. Многу се дискутираше, многу беше договорено“, напиша Трамп на Truth Social.

Вашингтон и Бејџинг испратија високи претставници во Женева овој викенд на преговори: американскиот секретар за финансии Скот Бесент, американскиот трговски претставник Џејмисон Грир и кинескиот вицепремиер Хе Лифенг. Бесент и Грир се сретнаа со кинески претставници по неколку недели зголемени тензии околу зголемувањето на царините на кинеските стоки од страна на американскиот претседател Доналд Трамп за повеќе од 100 проценти.

„Важен чекор во промовирањето на решавањето на споровите“

Трговскиот спор, со одлуката на Трамп од минатиот месец да воведе царини за десетици други земји, ги наруши синџирите на снабдување, ги потресе финансиските пазари и ги зголеми стравувањата од нагло економско забавување.

„Контактот воспоставен во Швајцарија е важен чекор во промовирањето на решавањето на спорот“, се вели во коментар објавен од официјалната новинска агенција Синхуа, без да се дадат дополнителни детали за напредокот на преговорите. Разговорите започнаа во средината на утрото во луксузната вила на постојаниот претставник на Швајцарија во Обединетите нации во Женева.

Share on Facebook

Tweet

Follow us

Save