INFOMAX.MK

Американскиот претседател, Доналд Трамп, тврди дека го одложил воениот напад врз Иран, кој бил планиран за вторник, по барање на земјите од Заливот, бидејќи „во тек се сериозни преговори“.

Во објава на Truth Social, тој напиша дека бил замолен да го стори тоа од лидерите на Катар, Саудиска Арабија и Обединетите Арапски Емирати.

Трамп наводно имал информации дека ќе биде постигнат договор што е „многу прифатлив“ за САД, додавајќи дека „НЕМА ДА ИМА НУКЛЕАРНО ОРУЖЈЕ ЗА ИРАН!“

Но, повторно во негов стил, се закани дека американската војска ќе биде подготвена „да започне целосен напад од големи размери врз Иран, во секој момент“ доколку не се постигне прифатлив договор.

Иран сè уште јавно не ја коментирал најновата објава на Трамп.

Во текот на викендот, Трамп го предупреди Техеран дека „времето истекува“, бидејќи разговорите за ставање крај на војната биле во застој.

Израелските и американските сили започнаа масовни воздушни напади врз Иран, на 28-ми февруари.