Трамп: Третата светска војна може да започне пред истекот на мандатот на Бајден

Третата светска војна може да избие пред актуелниот американски претседател Џозеф Бајден да ја напушти функцијата, изјави поранешниот американски претседател Доналд Трамп, додавајќи дека Бајден не успева да се справи со своите одговорности како шеф на државата.

„Девет месеци пред изборите се многу време. Има многу големи шанси во тој период да има трета светска војна, бидејќи имаме некој што не си ја врши работата како што треба. Бајден е предмет на потсмев низ целиот свет и никој не го почитува“, рече Трамп во интервју за Фокс њуз.
Тој го обвини актуелниот претседател што дозволил неговиот „мек“ став кон политиката на Блискиот Исток да дозволи напад во кој загинаа тројца американски војници и предупреди дека Иран ќе се здобие со нуклеарно оружје во следните 60 дена.

„Нашата земја е во хаос, нашите граници се отворени и несигурни. Соединетите Американски Држави не бараат конфликт на Блискиот Исток или на кое било друго место во светот. Но, нека знаат сите оние кои би можеле да ни наштетат: ако наштетите на Американец, ние ќе одговориме“, рече Трамп.
Претходно Трамп постојано истакнуваше дека светот е на работ на третата светска војна.
Тој во јануари рече дека политиката на Бајден „го претвори светот во пекол“ и ги доведоа Соединетите држави до крвопролевање.

Share on Facebook

Tweet

Follow us

Save