Трамп: Ќе ја зголемиме царината за Индија, затоа што купува руска нафта

Американскиот претседател Доналд Трамп има намера „многу значително“ да ги зголеми царините за Индија за купување руска нафта.

„Ги задржавме на 25 проценти, но мислам дека ќе ги зголемам тие царини (за Индија) многу значително во следните 24 часа затоа што тие купуваат руска нафта“, рече Трамп во интервју за CNBC News.

Како што претходно објави Министерството за надворешни работи на Индија, Западот ја критикуваше Индија за увоз на нафта од Русија, иако САД претходно ги поддржуваа ваквите купувања со цел да се стабилизираат глобалните енергетски пазари. Според нив, земјите што ја критикуваат Индија за купување енергија од Русија, исто така, тргуваат со Русија. Трамп претходно најави воведување на тарифа од 25% за стоки од Индија почнувајќи од 1 август, наведувајќи ги високите тарифи од страна на Њу Делхи, трговските бариери, како и соработката на Индија со Москва во областа на енергетиката и оружјето.

Share on Facebook

Tweet

Follow us

Save