Трајановски: Безбедносните служби потфрлија со заканите за поставени бомби – Град Скопје не може, ама МВР може да ги предвиди и превенира!

Овој тренд ги става граѓаните во незавидна ситуација, истакна заменик-градоначалникот на Град Скопје, Александар Трајановски во врка со дојавите за бомби во скопските основни и средни училишта.

Трајановски истакна дека агенциите за обезбедување кои би ги обезбедувале училиштата не можат да одговорат на вакви антитерористички закани, односно не можат да го третираат овој проблем.

– Точно е дека училиштата немаат обезбедување, тоа беше предмет на дискусија изминатиот период, и доколку би биле ангажирани, агенциите за обезбедување не можат да го третираат овој проблем, истакна Трајановски.

Ниту Град Скопје ниту училиштата можат да ја предвидат или превенираат оваа закана и лажни дојави за бомби. Имаме сериозен системски пропуст во МВР, тие ни излегуваат во пресрет, се прават проверки но тоа е гаснење на пожар со лонче. Доколку би можеле безбедносните служби да ги предвидат и превенираат овие дојави би било поинаку. Јас ги разбирам и родителите и учениците и нивната загриженост, ова е агонија за родителите. Од друг аспект ја завршуваме оваа, влегуваме во 2023 година, која е нова буџетска ќе се создаде таа можност да се ангажира обезбедување, или повторно секое средно училиште да може да си најмува приватна агенција за обезбедување, за кое сметам дека е исправно и се добива автономија, и ја има можноста за формирање на градско претпријатие за обезбедување. Сите опции се на маса, вели Трајановски.

Share on Facebook

Tweet

Follow us

Save